काठमाडौँ , बागमती प्रदेशका मुख्यमन्त्री इन्द्रबहादुर बानियाँको घरमा सम्पत्ति शुद्धिकरण अनुसन्धान विभागले छापा मारेको छ।
सम्पत्ति शुद्धिकरण अनुसन्धान विभागले आज बानियाँको घर र निजी कार्यालयमा छापा मारेको छ। विभागको टोलीले सोमबार एउटै समयमा बानियाँको घर र दुईवटा निजी कार्यालयमा छापा मारेको स्रोतले जानकारी दिएको छ।
भौतिक पूर्वाधार तथा यातायात मन्त्रालय स्रोतका अनुसार मोबिलाइजेसनको पैसा शेयर किन्न प्रयोग गरेको भेटिएपछि अनुसन्धान अघि बढाइएको हो।
निर्माण व्यवसायी समेत रहेका बानियाँले ठेक्काबापत कम्पनीमा गएको मोबिलाइजेसन रकमबाट शेयर किनेको भेटिएपछि विभागले छापा मारेको हो।
सरकारले अध्यादेशमार्फत सम्पत्ति शुद्धीकरण निवारण ऐन संशोधन गरेलगत्तै सम्पत्ति शुद्धीकरण अनुसन्धान विभागले मुख्यमन्त्री बानियाँलाई अनुसन्धानमा तानेको हो ।
बानियाँको कम्पनीले ठेक्का लिएका सडक रुग्ण र अलपत्र छन्।
बानियाँ नेपाली कांग्रेस बागमती प्रदेश सभापति, बागमती प्रदेश संसदीय दल नेता तथा मुख्यमन्त्री हुन्।