तिलोत्तमा – नेपाल स्वयंसेवी रक्तदाता समाज तिलोत्तमा शाखाको पाँचौ वार्षिक साधारण सभा सम्पन्न भएको छ ।
रुपन्देहीको तिलोत्तमा १ वनवाटिकामा कार्यक्रममा सम्पन्न भएको हो ।
कार्यक्रममा बोल्दै नेपाल स्वयंसेवी रक्तदाता समाजका केन्द्रीय महासचिव तथा रुपन्देही जिल्ला अध्यक्ष कृष्ण चौहानले रक्तदान एक कार्यक्रममात्र नभै मानव जीवनसँग प्रत्यक्ष जोडिएको बताउनुभयो । प्रमुख अतिथिसमेत रहनुभएका चौहानले स्थानीय सरकार तथा अन्य सरोकारवालाहरुले यस्ता संस्थालाई विशेषरुपमा हेरिदिन आग्रह गर्नुभयो ।
कार्यक्रममा समाजका सल्लाहकार दिवाकर ढकालले यस्ता संस्थाले समाजको मानवीयता बचाइराखेकाले यो संस्थाको हितमा सदैव लाग्ने प्रतिवद्धता जनाउनुभयो ।
कार्यक्रमका विशिष्ट अतिथि तिलोत्तमा नगरपालिका वडा नं। ६ का वडा अध्यक्ष गणेश पाठकले समाजसँगको सहकार्यमा छिटै रक्तदान कार्यक्रम गर्ने बताउँदै समाजलाई वडा कार्यालयको तर्फबाट रु। २०,००० रकम सहयोग गर्ने प्रतिवद्धतासमेत जनाउनुभयो । अध्यक्ष पाठकले यस्ता संस्थाले मानवीय जीवन बचाउनका लागि व्यक्तिगत स्वार्थभन्दा माथि रहेका संस्था रहेकाले यिनीहरुको संरक्षणमा स्थानीय तहले समेत विशेष ध्यान दिनुपर्ने बताउनुभयो ।
वरिष्ठ उपाध्यक्ष पूर्ण चन्द्र सुवेदीले स्वागत मन्तव्य राख्नु भएको कार्यक्रममा समाजका कोषाध्यक्ष भेषराज आचार्यले संस्थाको आर्थिक प्रतिवेदन पेश गर्नु भएको थियो भने अध्यक्ष सागर पाठकले गत वर्षको कार्यक्रमको समिक्षा र आगामी कार्ययोजना सहितको प्रतिवेदन पेश गर्नु भएको थियो । कार्यक्रममा समाजका नयाँ संरक्षक, आजीवन सदस्य, १ वर्षभित्र संयुक्त आयोजना गर्ने संस्था, समाजका विभिन्न पक्षबाट सहयोग गर्ने संघ संस्थाहरु र यस क्षेत्रमा सर्पको उद्धारमा लागि परेको युवा नविन पौडेललाई सम्मान गरिएको थियो ।
कार्यक्रममा संस्थाका आजीवन सदस्य इश्वर न्यौपाने, सल्लाहकार डा।अमित केसी , संरक्षक विश्व पाठकलगायतले मन्तव्य व्यक्त गर्नुभएको थियो ।
शाखाका अध्यक्ष सागर पाठकको अध्यक्षता रहेको कार्यक्रमको सञ्चालन समाजको महासचिव सम्झना न्यौपानेले गर्नुभएको थियोे ।