काठमाडौँ , मन्त्रीपरिषद्को सोमबारको बैठकले विभिन्न चार निर्णय गरेको छ।
सरकारले संवैधानिक परिषद् पहिलो संशोधन अध्यादेश २०८३ सम्माननीय राष्ट्रपतिबाट पुनविर्चारका लागि फिर्ता भएकोमा उक्त अध्यादेश जारी गर्न पुनस् सिफारिस गर्ने निर्णय गरेको छ।
विश्व बैंकबाट ५२ मिलियन अमेरिकी डलर बराबरको सहुलियत ऋण र ५ मिलियन डलर अनुदान स्वीकार गर्ने निर्णय पनि गरेको छ।
त्यस्तै कृषि क्षेत्रलाई सुदृढ बनाउन सरकारले भारतबाट ६० हजार मेट्रिक टन युरिया र २० हजार मेट्रिक टन डीएपी मल खरिद गर्न कृषि सामग्री कम्पनी लिमिटेडलाई स्वीकृति प्रदान गरेको छ।
यस्तै सिंहदरबार परिसरको गुरुयोजना स्वीकृत गर्ने निर्णय पनि गरेको छ, जसले सरकारी संरचनाहरूको व्यवस्थित विकास र व्यवस्थापनमा टेवा पुर्याउने बताइएको छ।