काठमाण्डौ – शैक्षिक सत्र २०८३ को विद्यार्थी भर्ना अभियान वैशाख १५ गतेदेखि शुरू हुने भएको छ ।
शिक्षा, विज्ञान तथा प्रविधि मन्त्रालयअन्तर्गतको शिक्षा तथा मानव स्रोत विकास केन्द्रले आज सूचना निकालेर विद्यार्थी भर्ना वैशाख १५ गतेदेखि र पठनपाठन वैशाख २१ गतेदेखि शुरू हुने जनाएको हो ।
यसअघि सरकारले वैशाख १५ गतेदेखि नयाँ शैक्षिक सत्र सञ्चालन गर्ने निर्णय गरे पनि भर्ना अभियान कहिलेदेखि हुने भन्ने स्पष्ट भएको थिएन ।
यसअघि वैशाख १ गतेदेखि नयाँ शैक्षिक सत्र शुरू हुने गरेको थियो ।