बुटवल । बुटवल बजारलाई शान्त राख्न प्रहरीले सञ्चालन गरेको अपरेशन साइलेन्ट स्ट्रिट अभियान अन्तरतग यहाँ सञ्चालनमा रहेका मोटरसाइकल ग्यारेजहरुमा सचेना सुरु गरिएको छ । ईलाका प्रहरी कार्यालय बुटवलमा प्रमुख प्रहरी नायव उपरीक्षक निसान्त श्रीवास्तवका अनुसार स्वरुप परिवर्तन गरिएका ठूलो आवाज निकाल्ने मोटरसाइकललाई नियन्त्रणमा लिने अभियानपछि अब ग्यारेजहरुमा समेत निगरानी बढाएर सचेत गराइएको छ ।
विशेष गरी रातको समयमा मोटरसाइकलको आवाज ठूलो बनाएर पड्काउँदै हिड्नेहरु, मादक पदार्थ सेवन गरी सवारी चलाउने, सडकमा विभिन्न स्टन्ड गर्ने गतिविधिलाई नियन्त्रण गर्नका लागि प्रहरीले साइलेन्ट स्ट्रिट अभियान सञ्चालन गरेको हो । प्रहरीले शनिबारदेखि सञ्चालन गरेको यस अभियानमा ५० वटा मोटरसाइकल नियन्त्रणमा लिएर कारबाही प्रक्रिया अघि बढाएको प्रनाउ श्रीवास्तवले बताए । बुटवलको कालिका पथ, सुख्खानगर, राजमार्ग चौराह, गोलपार्क, बुद्धनर, बेलबासको बदेलपोखरी लगायतका क्षेत्रमा प्रहरीले अभियान सञ्चालन गरेको थियो ।
प्रहरीले यो अभिना अन्तरगत मँगलबार बुटवला सञ्चालित आधा दर्जन बढी ग्यारेजहरुमा पुगेर मोटरसाइकलको स्वरुप परिवर्तन गराउने कार्यलाई निरुत्साहित गरेको छ । यदी कानून विपरित गरेको पाइएमा ग्यारेज सञ्चालकहरुलाई समेत कडा कानूनी कारबाही गरिने उनले चेतावनी दिए । प्रहरीको अभियानपछि स्वरुप रिवर्तन गरिएका मोटरसाइकलहरुलाई सामान्य अवस्थामै परिवर्तन गर्नका लागि ग्यारेजहरुमा आउने गरेको पाइएको उनले बताए ।
प्रहरीले ४ दिनको अभियानमा पक्राउ गरेका मोटरसाइकल चालकहरु अधिकांश २५ वर्ष मुनिका युवाहरु रहेको पाइएको छ । सडक दुर्घटना न्यूनिकरण तथा सामाजिक अपराध नित्रणका लागि यो अभियान सफल हुने प्रहरीले बताको छ । बुटवलमा यसअघि पनि पटक–पटक यस्ता अभियानहरु सञ्चालन गरिएका थिए । यद्यपि प्रहरीको निगरानी कम हुँदै गएपछि पुनः यो समस्या दिनप्रतिदिन थपिँदै गएको थियो । बुटवललाई शान्त र मर्यादित पर्यटकीय शहरको रुपमा बिकास गर्नका लागि प्रहरीले अन्य क्षेत्रहरुमा समेत विशेष अभियान सञ्चालनको तयारीमा रहेको प्रहरी नायव उपरीक्षक श्रीवास्तवले बताए ।