बुटवल – बुटवल उपमहानगरपालिका वडा नं. ३ गोलपार्कमा सार्वजनिक शौचालय निर्माण गरिएको छ । इनरह्विल क्लब अफ बुटवल र बुटवल उपमहानगरपालिकाको सहकार्यमा निर्माण गरिएको सार्वजनिक शौचालयको मंगलबार उद्घाटन तथा हस्तान्तरण गरिएको हो ।
यात्रुलाई लक्षित गरी निर्माण गरिएको सार्वजनिक शौचालयको बुटवल उपमहानगरपालिकाका प्रमुख खेलराज पाण्डेयले उद्घाटन गर्नुभएको हो । बुटवल उपमहानगरपालिकाले क्लबहरुको सहकार्यमा मानिसहरुको बढि भिड हुने स्थानहरुमा सार्वजनिक शौचालय निर्माणलाई प्राथमिकता दिएको प्रमुख पाण्डेले बताउनु भयो ।
शिलान्याश भएको ४ महिनामा शौचालय निर्माण सम्पन्न गरी वडा नं. ३ को कार्यालयलाई रेखदेख तथा सरसफाइको लागि हस्तान्तरण गरिएको क्लबका अध्यक्ष बुलबुल श्रेष्ठले जानकारी दिनुभयो ।
शौचालय करिब ११ लाख लागतमा निर्माण गरिएको अध्यक्ष श्रेष्ठले जानकारी दिनुभयो । उपमहानगरपालिका वडा नं. ३ का वडा अध्यक्ष विष्णु ढकालले सार्वजनिक शौचालयको सरसफाइमा सबैले विशेष ध्यान दिनुपर्नेमा जोड दिनुभयो ।
कार्यक्रममा संस्थापक अध्यक्ष बसुन्धरा कसजुले शुभकामना मन्तव्य व्यक्त गर्नुभएको थियाे ।
कार्यक्रममा बुटवल वडा नम्बर ६ का वडा अध्यक्ष हरि श्रेष्ठ , बुटवल ३ का वडा सदस्यहरु पवित्रा श्रेष्ठ , अमृत खड्का , क्लवका पूर्व अध्यक्षहरुलगायतको उपस्थिति रहेको थियोे ।
क्लबका पूर्व अध्यक्ष कार्यक्रम संयाेजक यमुना श्रेष्ठले स्वागत गरेको कार्यक्रमकाे सञ्चालन सचिव गंगा श्रेष्ठले गर्नुभएको थियो ।