बुटवल – बुटवल उपमहानगरपालिका वडा नम्बर ८ मा तिनदिने बाध्यवादन प्रशिक्षण सुरु भएको छ । साँस्कृतिक पहिचानलाई कायम राख्न सामाजिक रुपान्तरणका लागि सहकार्य नामक संस्थाको आयोजनामा तालिम सुरु भएको हो । कार्यक्रममा बुटवल उपमहानगरपालिका वडा नम्बर ८ का वडा अध्यक्ष यज्ञ प्रसाद पंगेनीले महिलाहरूलाई केही भए पनि सीप प्रदान गर्नका लागि कार्यक्रम गरिएको बताउनुभयो ।
वडा नम्बर ८ का विभिन्न टोलका करिब ३० जना महिलाहरु बाध्यवादनअन्तर्गत मादल , खैजडी र मजुरा बजाउन सिकिरहेका छन् । तालिममा विजय सापकोटा , नरमाया भुसाल र राधा भुसाल प्रशिक्षकको रुपमा रहनुभएको छ ।
संस्थाका अध्यक्ष वामदेव क्षेत्रीले साँस्कृतिक पहिचानलाई कायम राख्न र भजन किर्तन पूजा आजामा महिलाहरूलाई सहज होस् र थोरै भएपनि राहत पुगोस् भन्ने कार्यक्रमको उदेश्य रहेको बताउनुभयो ।
भजन किर्तन , पूजा आजामा प्राय महिलाहरु नै मादल , खैजडी , मजुरा बनाउँछन् । कत्तिले सिकेरै बजाउँछन् भने कतिपयले नसिकेरै पनि बजाउँछन् । थोरै भएपनि सैद्धान्तिक ज्ञान प्रदान गर्दै बजाइलाई व्यवस्थित बनाउन तालिम प्रदान गरिएको संस्थाका व्यवस्थापक राम प्रसाद बिकले बताउनुहुन्छ ।
वडा कार्यालयको आर्थिक सहयोगमा तालिम तीन दिनसम्म सञ्चालन हुने । यस तालिमबाट वडाका महिलाहरुले केही मात्रामा सीप प्राप्त गर्ने वडा कार्यालयको अपेक्षा छ ।