बुटवल- स्कुल गट ट्यालेन्ट रुपन्देहीको दोस्रो राउण्ड मेघा अडिसन राउण्डका सम्पूर्ण चरणहरु सकिएको छ । वागेश्वरी कला तथा संगीत एकेडेमी बुटवलको आयोजनामा भएको कार्यक्रमको ग्राउण्ड अडिसनबाट छनौट भएका प्रतिष्पर्धीहरुको मेघा अडिसन भएको हो । नो भोट नो एस एम एसको सिद्धान्तअनुसार अघि बढेको कार्यक्रममा रुपन्देही जिल्लाका विभिन्न विद्यालयमा अध्ययनरत विद्यार्थीहरु मात्र सहभागी भएका हुन् ।
एकेडेमीले रुपन्देही जिल्लाभित्र रहेका विभिन्न विद्यालयमा अध्ययनरत विद्यार्थीहरुबिच ग्राउण्ड अडिसन गरेको थियो ।
प्रतियोगिताको तेस्रो वर्कसप राउण्ड यही पौष १२ गते शनिबार हुने एकेडेमीका सञ्चालक लालिमा श्रेष्ठले बताउनुभयो । मेघा अडिसनबाट करिब १८० जना विद्यार्थीहरु तेस्रो राउण्डको लागि छनौट भएको सञ्चालक श्रेष्ठले जानकारी दिनुभयो । विद्यार्थीभित्र लुकेर रहेको अन्तरनिहित प्रतिभालाई प्रष्फुटन गर्न कार्यक्रम गरिएको एकेडेमीका म्यानेजर सुमन गहतराजको भनाइ छ ।
प्रतियोगिता पाँच चरणमा सम्पन्न हुनेछ । ग्राउण्ड अडिसनपछि मेघा अडिसन रहनेछ । मेघा अडिसन राउन्डमा छनौट भएका प्रपिष्पर्धी वर्कसपमा प्रवेश गर्नेछन् । वर्कसपबाट छनौट भएका प्रतिष्पर्धी सेमिफाइनलबाट छनौट भई फाइनलमा पुग्नेछन् । कार्यक्रमको उपाधि जित्ने प्रतिष्पर्धीले नगद रु ५५००० पुरस्कार प्राप्त गर्ने एकेडेमीका सल्लाहकार डिबी लोहनीले बताउनुभयो । दोस्रो हुनेले रु ३५००० र तेस्रो हुनेले रु २५००० पुरस्कार प्राप्त गर्ने एकेडेमीले जनाएको छ । पछिल्लो समय एकेडेमीमा निरन्तर नृत्य ,गायन , बाध्यवादन , अभिनय र चित्रकलाका कक्षाहरु सञ्चालन भैरहेका छन् ।
